Gedicht

Der MG Wahlendorf ist von anonymer Seite ein Gedicht gespendet worden.
Es wiederspiegelt sehr treffend unser Vereinsleben:

D’Wahledorf-MusigEs faht ging gliich a, jedes Jahr,
zur Houptversammlig trifft sich di ganzi Schaar.

Es wird lamentiert, diskutiert u gredt,
was me z’ganze Jahr us wett.

Es Ständli hie, es Feschtli da,
für ds Gmüet muess me ja o öppis ha.

Es geit nid lang u du wirsch gseh,
ar nächschte Prob si die Vorsätz scho niene meh.

Die wo dert si, si z’bedure,
es chliises Hüüfeli gsesch dert huure.

Ar Birchi-Chiubi oder am Lotto,
geits wiiter ungerem gliiche Motto.

I bi nid da, i cha nid cho,
bi i de Ferie oder irgendwo.

U g’heits de bimene Haar us de Fuege,
heimer ja d’Musikommission, die söu luege.

Em Vorschtang git das Ganze o z’dänke,
wie se doch d’Mitglider mängisch fasch hänke.

Doch trotz au däm Erger u au dene Sache
Git’s o viu wo mer drüber chöi Lache.

Dänket nume a d’Musigreise,
u a au die Sprüch, die Weise;

a üser Jasser, Spagettifuere oder a ds Theater,
es isch gwüss scho mänge hei miteme Kater.

A üsne Uftritte z’Frankriich, im Dütsche oder z’Bärn im Stadion,
mir hei scho gschpieut für viu, weni oder gar ke Lohn.

Mänge Chranz für d’Fahne hei mir mit üser Musig verdienet,
o we dr Wäg bis dert häre mängisch fasch isch gsi wie grienet.

Wüsseter no am letschte Kantonale,
da het üs no e Schlagzüger g’fäut, so ne banale.

Das het üsi Luune aber nid hert trüebt,
mir hei trotzdäm fliisig witer güebt.

E Profi isch du iigfloge worde, wie het üs das g’fröit,
es het g’houe u mir si worde zwöit.

Drum gloube ig, we mer witerhin so tüe zämeha,
cha üse Verein no lang bestah;

mir näs wies chunnt u si schtouz,
uf üsi musig, si isch us bsungrigem Houz.

anonym

<< zurück zu den Berichten